Sinimulan mo

Wag na, wag na tayong magkita kahit kailan pa..

Tama na, Tumigil na tayo, tigil na.

Mga paulit ulit na nauulit sa isip o tuwing maaalala ko,

Ang isang araw na ako'y pinagtulakan mo

Tinaboy, Papalabas ng pintuan ng buhay mo

Mga salitang ni minsan hindi mawawala sa isipan ko

Isa sa pinakamasakit na salitang binitawan mo at narinig ko sa buong buhay ko

Dahil kahit kailan di ko ginawang ipagtabuyan ka

Kahit ako yung paulit ulit mong pinaparusahan, iniiwasan, pinagtutulakan,

Na kulang na lang parang ibong mababa ang lipad at ibugaw mo ako sa iba

Maalis mo lang sa landas mo, na una sa lahat ikaw naman mismo ang nagturo sa akin kung paano makarating patungo sayo.

Pilit kong sinasara ang bumubukas kong palad noon,

Wag ko lang masalo ang inaabot mong atensyon

Ngayon ay natapos na ata ang iyong misyon na paibigin ako

Nakuha ang mga bagay na iyong gusto

Ngayon ay bibitaw ka? Bibitaw na lang ba?

Oo, naramdaman ko naman ang kapit ng iyong kamay

Ang higpit nga na parang ayaw mong pakawalan.

Pero nayong ayaw mo na, bibitaw ka na lang na parang napaso ka

at pag gusto namang balikan akala mo laruang hindi mo pinagsawaan.

Hindi naman ako ang unang lumapit sayo,

o ang humanap kung saang sulok ka pa sa mundong ito

Hindi ako, saksi pa ang mundo, at ang hanging umiihip sayo,

Mga bituing nagniningning sa gabi habang naglalakad tayo tuwing sabay tayong uuwi,

Saksi ang araw, hanggang takip silim, pati narin ang mga musikang naririnig patungkol sa atin

Naalala ko ang unang araw na nagkakilala tayo, unang mensahe, unang pagbati mo.

Unang pag aya mo, ang lahat ng yan na dapat hindi na sana magsisimula pa kung hindi nagsimula sayo

Ngayon naisip ko, ikaw ang nagbigay ng dahilan sa lahat ng sakit na meron ako

Inalis mo na nga talaga ang lahat ng bagay na maaring magpaalala

Nilisan ang mga bakas ng tagpuan

Nilibing ang mga salitang binitiwan

Kaya mo palang basta na lang iwanan

Akala ko, ako ang mundo mo o ang kalawakan mo

Pero ang totoo isa lang pala ako sa mga konstelasyon nito.

Magsisilbing karagatang patuloy na babalot sayo sa mundo mo.

Nakayapos, madagdagan pa ang mga kontinente mo.

Patuloy paring dadaloy sayo.

-Haponesang Hilaw