Di na muli

Di na muli

Sa pangalawang pagkakataon na siya'y magparamdam

Maaaring nangungulila din ang kanyang pakiramdam

Sa pangalawang pagkakataong siya'y kamustahin ka

Maaaring wala ng saya sa bawat salitang dati sayo'y nagbibigay kulay sa umaga

Sa pangalawang pagkakataon na pangalan mo ay banggitin niya

Maaaring wala na ang sabik sa tuwing maririnig kung paano niya sinambit

Na dati ay may kilig, ngunit ngayon ay bumabahid na lang ang sakit.

Sa pangalawang pagkakataon na yayayain mo akong makasama ka

Ay maaaring wala ng pananabik,

Naglaho na sa aking mata ang ning ning na ngayon ay nagmaliw

kasabay ng noon mong pagbitiw Sa pangalawang pagkakataong bibigyan mo ako ng halik

Ay hindi ibig sabihin na ito ay kay tamis, maaaring ako ay nadadala ng sandali,

sa mga ala-alang hindi na maibabalik, katulad ng iyong halik,

na noon na yun pala ay sadya lamang paglandi.

Maaaring ako'y sumama muli,

muling makinig na parang mga huni ng ibon na ako'y kaya mong dalhin

Na kayang liparin sa kakahuyan kung saan halos di na ko makabalik.

Maaari nating ibalik,

Ipagpatuloy ang pinutol na ugnayang na ngayon ay para na lang mga labi.

Ngunit hindi na muli, Hindi na muli..

Maaaring tayo ay umulit pang muli

Dahil mulat na sa aking pagkahimbing

Kaya hindi na muli.. Hindi na muli

Hindi na muli maniniwalang mga majika ay lahat kayang gawin,

na kayang tuparin ang anumang hiling

Hindi na muli, Hindi na muli

Maniniwala na may ginto sa dulo ng bahaghari

na maari kong akyatin upang makahiling na ang mga bukas na dadating

ay magniningning sa atin at di na kailanman magtatago pa sa dilim.

Di na maniniwala muli, na lahat ng hilingin

ay kayang tuparin ng bulalakaw sa langit

na aking inaabangan gabi-gabi na napaniwala akong kayang tuparin

ang mga panalanging kay tagal kung dumating.

Di na muli, maniniwala na pagkatapos ng ulan at takipsilim ay may sasalubong ligaya satin.

Parang ito ay isang basag na salamin,

kahit iyong buuin ay di maitatago ang mga lamat satin.

Pilit mo mang buuin, upang maniwala lang akong muli

na may majika at bahaghari,

bulalakaw sa langit at ligayang darating

Ligayang hindi talaga dumating

dahil pighati ang nagwagi..

Bawiin man ang pait,

hilumin man ang sakit,

Lumipas man ang mga peklat ngunit magmamarka parin sa atin. =

Ay di na magagawa pang ibalik.

"Tiwala"