Piyesa sa Nalumang Piano

Naaanting ang puso ko sa tuwing naririnig ko ang mga tipak ng bawat nota

Sa bawat hampas ng malalambot mong kamay na bumubuo ng isang kanta

Sa nalumang piano ngunit hindi naluluma ang musika

Mga binuong piyesang

nagpapaluha sa aking mga mata, babalik ka pa ba?

Sa tuwing naririnig ko ang bawat yapak ng iyong mga paa

Napapalingon ako at umaasang malapit ka

Mga tunog ng yapak mong sumasabay sa bawat pintig ng nota

Yun pala ay malayo ka

Kaya heto't, dahan dahang naglakad patungo sayo

Hinabol ko ang mga paang napapasabay sa pagsipra ng piano

Habang bumibilis ang tiyempo ay napapatakbo ako

Nagmamadaling sundan ang mga tunog

Aabot pa ba ko?

Dahang dahang lumakas ang teklado

At dahang dahan ding bumilis ang aking takbo

Bumilis ang tibok ng aking pulso

Parang dagundong na gawa ng vibrato

Sana ay umabot ako, umabot ako

At nahagip ko ang iyong kwelyo, napahinto tayo

Umawit ako at sinabayan mo ko

Naaalala mo pa nga ang awiting nating ito

Kahit umalis na ang isang nag areglo ng piyesang ito

Hinayaan nating sumabay sa hangin ang mga liriko

Hahayaan nating umalingawngaw ang mga tinig

Kung saan gumagawa ito ng vibrato

Nagpapayanig ngunit nagbibigay buhay

sa bawat espaso kung saan tayo naririto

Sana ay di na matapos ang awiting ito

Patuloy ang pagpitak ng lumang piano

Kasabay ng pagkumpas ng mga tyempo

Ito ang awiting patuloy na hinahatak tayo pabalik kung

saan nagsimula hanggang sa nagwakas tayo

Ngunit biglang bumagal ang ritmo,

Humina ang pagtipak ng teklado

Nagmistulang kulay abo ang paligid mo

At ikaw ay huminto..

Ikaw ay huminto, habang patuloy parin ako

Naglalaho na din ang tunog ng piano dahil humina na ang pagtipak dito

Numipis na rin na parang kuwedras ang mga tinig ko

Patuloy paring umaawit kahit nauubusan na ng liriko,

Maaari ko bang tapakan ang sustento di lang matapos ito?

-Haponesang Hilaw